"jis shaKhs ko Khudii ne jhaNjhoRaa hai"

[Amal]

Re: “jis shaKhs ko Khudii ne jhaNjhoRaa hai”

@koiDost

aadaab, dosto!

jis shaKhs ko Khudii ne jhaNjhoRaa hai, dosto!
vo jo bhii kar dikhaaye so thoRaa hai, dosto!

us hii pe khul sakaa hai faqat raaz-e-kaainaat
jis ne tilism-e-zaat ko toRaa hai, dosto!

amvaaj-e-dushmanaaN kii bhalaa kyaa bisaat hai
ham ne to ruKh havaaoN kaa moRaa hai, dosto!

samjho ki un kii umr se ik roz ghaT gayaa
kal par jinhoN ne kaam ko chhoRaa hai, dosto!

kyuuN.kar suKhan asar na kare, harf harf meN
:Waseem: ne dil kaa Khuun nichoRaa hai, dosto!!!

**

Bohat khoobsoorat ghazal hey Waseem:k:…thanx for sharing with us. Hope to see more of you