http://i53.tinypic.com/2ptdpjm.jpg
Ek pashemaan si hasrat se mujhe sochta hai
Ab wohi shehar muhabbat se mujhe sochta hai
Mein tau mehdood se lamhoon mein milli thee us se
Phir bhi woh kitni wazaahat se mujhe sochta hai
Jis ne socha hi na thaa hijar ka mumkin hona
Dukh mein doobi huwi hairat se mujhe sochta hai
Mein tau mar jaun agar sochne lag jaun usay
Aur woh kitni sahulat se mujhe sochta hai
Gar-che ab tark-e-marasim ko bahut dair huwi
Ab bhi woh meri ijaazat se mujhe sochta hai
Kitna khush-feham hai woh shaks ke har mausam mein
Ek naye rukh naee surat se mujhe sochta hai …