jis bazm main tu naaz se guftaar main aave
jaaN kaalabad-e-surat-e-devaar main aave
saaye ke tarah saath phirain sarv-o-sanobar
tu is qad-e-dilakash sai jo gulazaar main aave
tay naaz-e-giraNmayagi-e-ashk bajaa hai
jab laKht-e-jigar dedaa-e-KhuNbaar main aave
dai mujhako shikaayat ki ijaazat kai sitamagar
kuch tujhako mazaa bhi mere aazar main aave
us chashm-e-fusuNgar kaa agar paaye isharaa
TuTii ki tarah aaiynaa guftaar maiN aave
kaaNton ki zabaN sookh gayee pyaas se ya rab
ik aabalaapaa vaadi-e-puraKhaar main aave
mar jaauN na kyon rashK se jab vo tan-e-naazuk
aaGosh-e-Khaam-e-halqaa-e-zunaar main aave
Garatagar-e-naamoos na ho gar havas-e-zar
kyon shahid-e-gul baGh se baazaar main aave
tab chak-e-girebaaN kaa mazaa hai dil-e-naadaaN
jab ik nafas ulajhaa huaa har taar main aave
aatish_kadaa hai seenaa meraa raaz-e-nihaaN se
de vaaye agar ma ariz-e-izhaar me.n aave
ganjenaa-e-maneei kaa talism usako samajhiyai
jo lafz ke “Ghalib” mere ashaar main aave
