jinnaatii Urdu meN "taveel aur lambii raat" ko kia kahte haiN?

Arts & Culture Culture, Arts, Literature & Linguistics
1

**MODS, please edit the title of the thread…delete **'adajinnaatii to ‘jinnaatii’

salaam dosto
kaise mizaaj haiN?

adabii Urdu yaa ba_qaul Muqwee Jinnaatii Urdu meN:

kaali raat/andherii raat = shab-e-daijoor

kahte haiN to yeh bataaiye k:

agar yeh raat taveel bhii ho to aisii raat ko kia kaheNge?

lambii aur kaalii raat/lambii raat = ?

HINT: vo lafz murakkab lafz nahiiN hai! :slight_smile:

good luck N happy maGhaz-maaring!

regards
_______KKF

2

Re: adajinnaatii Urdu meN "taveel aur lambii raat" ko kia kahte haiN?

Zia regime :)

3

Re: adajinnaatii Urdu meN "taveel aur lambii raat" ko kia kahte haiN?

hahahaha...lolz...

---vaise, jamhoorii daur ke jinnaatii taveel aur lambii/kaali raat ke Dracula kuchh kam nahiiN...kam az kam Zia-ul-Haq kaa beTaa to iqtidaarii pipeline meN nahiiN...:)

4

Re: jinnaatii Urdu meN “taveel aur lambii raat” ko kia kahte haiN?

siyah raat… :hmmm:

5

Re: jinnaatii Urdu meN “taveel aur lambii raat” ko kia kahte haiN?

yaaraa, Hint meN maiN ne 'arz kiyaa thaa k yak lafzii hai…siyaah raat to do lafzii ho gayaa. :frowning:

6

Re: jinnaatii Urdu meN "taveel aur lambii raat" ko kia kahte haiN?

yeh to bohut hi mushkil sawal poch dala

7

Re: jinnaatii Urdu meN "taveel aur lambii raat" ko kia kahte haiN?

ba qaul 'allaamah Iqbal:

gar yeh mushkil hai to is mushkil ko aasaaN kar ke chhoRuuNgaa!

aap bhii isii par 'amal pairaa hoN! :) good luck N happy maGhaz-maaring! :D

8

Re: jinnaatii Urdu meN “taveel aur lambii raat” ko kia kahte haiN?

shab-e-daijoor-e-taweel :cb:

9

Re: jinnaatii Urdu meN “taveel aur lambii raat” ko kia kahte haiN?

hahaha…good try magar tum ne bhii vohii Ghalatii kii jo Mahool ne kii ya’nii pahlii post meN maiN ne HINT meN likhaa thaa k sirf EK lafz hai…tum ne izaafat ke sath alfaaz-e-murakkab bataayaa hai…ek lafz deN bas!
**
HINT:**

is lafz meN yeh Huroof binaa tarteeb yeh haiN:

alif, ye, daal, laam

10

Re: jinnaatii Urdu meN "taveel aur lambii raat" ko kia kahte haiN?

is zulf pay phabti shab e dijoor ki soojhi
andhay ko andheray main bohut door ki soojhi

11

Re: jinnaatii Urdu meN "taveel aur lambii raat" ko kia kahte haiN?

Khaan Sb... intezar kafi taweel hogiya hia... jawab bata dijye....

12

Re: jinnaatii Urdu meN "taveel aur lambii raat" ko kia kahte haiN?

^ lol ... ok, here we go:

YALDAA = taveel taareek raat

ab aapkii baarii hai...koii sawaal poochheN. :)

13

Re: jinnaatii Urdu meN "taveel aur lambii raat" ko kia kahte haiN?

matrook alfaz.

14

Re: jinnaatii Urdu meN "taveel aur lambii raat" ko kia kahte haiN?


may be but i read that in Urdu poetry of Deccan.

vireh kii raat kaa dard = dard-e-shab-e-vasl = dard-e-yalda

15

Re: jinnaatii Urdu meN “taveel aur lambii raat” ko kia kahte haiN?

Yea. Musta’mil alfaaaz use karain please. :chai:

16

Re: jinnaatii Urdu meN “taveel aur lambii raat” ko kia kahte haiN?

Chalin… ab bhi Khaan Sb ki tarah koi niya sawal poch lain… :chai:

17

Re: jinnaatii Urdu meN “taveel aur lambii raat” ko kia kahte haiN?

Mujhay itni Urdu nahi aati.

I am English medium, you knows. :snooty:

18

Re: jinnaatii Urdu meN “taveel aur lambii raat” ko kia kahte haiN?

Okay. I know, you are Ingreezi medium… :hoonh:

19

Re: jinnaatii Urdu meN "taveel aur lambii raat" ko kia kahte haiN?

agar jinnati men kehna hai tu phir tu kuch b keh sakte :-s

20

Re: adajinnaatii Urdu meN "taveel aur lambii raat" ko kia kahte haiN?

paen mujh se kuch kaha :-s