Jangal Jangal Shaam (Ghazal)

Arts & Culture Poetry ( Intikhaab & Sho'ra-e-Gupshup)
, ,
1

Dosto

Adab,

Apni aik ghzal aap ki khidmat main pesh ker raha hoon, umeed hay pasand aay gee, Aap ki aaraa ka muntazir rahoonga.

Wassalam
Muhammad Ahmed

Sehraa sehraa dopehrain hai.n , baadal baadal shaam
dil nagri ki raat udaasi , chanchal chanchal shaam

Daali Daali phool hai.n raqsaaN , dariya dariya mauj
titli titli naqsh hai.n rangeeN , komal komal shaam

Rang-e-JunooN dil deewaane par , deed ke pyaase nain
teri galii , terii dehleezai.n , paagal paagal shaam

Nain hai.n kis ke , yaad hai kis ki , kis ke hai.n aansoo
Kis ki aaNkho.n kaa tohfaa hai , kaajal kaajal shaam

Raat ki raani , Oas ka paani , Jugnu , Sard hawaa
Muskaati khushboo mehkaati jangal jangal shaam

Doobta sooraj , Soona rastaa , Aas ke bujhtay deep
Maayoosi ki gard me.n lipti, utri pal pal shaam

Rang sunehra dhoop saa uss kaa , gaisoo jaisay raat
chaaNd saa ujlaa ujlaa chehra , uss kaa AaNchal shaam

Khwaab me.n jab se aayaa hai wo socho.n me.n gum hoo.n
Kyaa ho jo ta’abeer bataanay aa jaaye kal shaam

:Ahmed: ko`ii nazm sunaao, kuchh tau waqt kaTay
tanhaa tanhaa dil bhi bohat hai, bojhal bojhal shaam

~Muhammad Ahmed. November 22, 2005

2

Re: Jangal Jangal Shaam (Ghazal)

That’s put so beautifully :slight_smile:

3

Re: Jangal Jangal Shaam (Ghazal)

WOW… Its wonderful… Very Nice… Tnx For Sharing this Beauty :flower1:

Buhut Achay :k:

4

Re: Jangal Jangal Shaam (Ghazal)

bohut khoob

5

Re: Jangal Jangal Shaam (Ghazal)

Zabardast, go kay mayosi ka rung shiddat say jhalak raha hay, phir bhee buhat aachay!!

^^^ Interesting ^^^
6

Re: Jangal Jangal Shaam (Ghazal)

Amal, GS, Azad & Fara

Adaab

Bohat bohat shukria ghazal / ashaar pasand karany ka. Is pazeerai ke liay main aap ka tah-e-dil se mashkoor hoon.

Fara dear,

Mayoosi ka rang ghazal main ham hi log samotay hain, aur mayoosi bhi insani kefiaat main se aik hay, aur in kefiaat se guzar ker is tarah ke asshaar ho hi jaatay hain, wesay agar aap dekhain to aap ko aur kefiaat bhi ghazal main numaayaan nazar aain gee. Ghazal pasand farmanay ka shukria.

Mukhlis,

Muhammad Ahmed.

~* Guppies FOR SALE on E-bay *~
7

bht bht alla hai bht khoob

Timepass -April 2012
8

Re: Jangal Jangal Shaam (Ghazal)

lajawwab ghazal....thanks itny arsy baad nazar sy guzriii......v.good sharing

9

Re: Jangal Jangal Shaam (Ghazal)

w0w.. its beautiful..

10

Re: Jangal Jangal Shaam (Ghazal)

ahsan, S.786 and redidentity bohat shukria....

pazeeraaii kay liay mamnoon hooN....

khush rahiye...