Germi-e-hasarat-e-naakaam say jal jaate hain
ham charaaghoon ki tarah shaam say jal jaatay hain
Bach nikaltay hain agar aatish-e-sayyaad say ham
sholaa-e-aatish-e-gulfaam say jal jaatay hain
Khud numaei to nahin shevaa-e-arabaab-e-wafa
jin ko jalanaa ho woh aaraaam say jal jaatay hain
Shama jis aag main jalti hai numaish kay leay
ham usi aag main gumnaam say jal jaatay hain
Jab bhi aata hai meraa naam teray naam kay saath
jaane kyon log meray naam say jal jaatay hain
Rabta baaham pay hamain kiya na kahen gay dushman
aashanaa jab tere paygham(message) say jal jaatay hain
Qateel Shifai
