Jahan main jaoon hawa ka yehi ishara ho
Koi nahin jo yahan muntazir tumhara ho
Meri bujhti hui aankhon ko roshni bakhshe
Woh phool jo tere chehre ka istara ho
Chala hoon apni ki awaz-e-baazgasht pe yun
Kisi ne door se jaise mujhe pukara ho
Ganwa chuke kayi umrein umeedwaar tere
Kahan tak aur teri berukhi gawara ho
Tu paas ate hue mujhse door ho jaye
Ajab nahin ke yehi haadsa dobara ho
Nazar farebi-e-rang-e-chaman se bach “Makhmoor”
Jisse tu phool samajh le kahin sharara ho
