One of my all time favourites (In Urdu)
Jaga ji laganay ki dunya nahi hai
Yeh IBRAT ki ja hai TAMASHA nahi hai
Jahan mai hain ibrat kai har so NAMONAY
Magar tujh ko andha kiya RANG O BOO nai
Kabhi ghor sai bhi yeh dekha hai to nai
Jo mamoor thay wo mahal ab hain SOOONAY
Tujhe pehlai bachpan nai barson KHILAYA
Jawani nai phr tujh ko MAJNOO banaya
Burhapay nai phr aa kai kiya kiya SATAYA
AJAL tera kar day gi bilkul SAFAYA
Yehi tujh ko dhun hai rahon sab sai BALA
Ho zeenat nirali ho fashion NIRALA
Jiya karta hai kiya youn hi MARNAY WALA??
Tujhe hosn e zahir nai dhokay mai dala
Wo hai aisho ishrat ka koi mahal bhi??
Jahan TAAK mai khari ho AJAL bhi
Bas ab is jahalat sai nikal to bhi
Yeh tarz e maeeshat ab apna badal bhi
Yeh dunya-e-fani hai MEHBOOB tujh ko??
Hoi aah kiya cheez MARGHOOB tujh ko??
Nahi akal itni bhi MAJZOOB tujh ko
Samjh lena ab chahyay KHOOB tujh ko
Burhapay sai paa kar PAYAM-E-QAZA bhi
Na chonka,na cheekha,na sambhla zara bhi!!
Koi teri ghaflat ki hai intaha bhi??
Junoo chor kar apnai hoshon mai aa bhi
Jab is bazam sai chal diyay dost AKSAR
aur uthtay chalay ja rahay hain BARABAR
har waqat paish-e-nazar hai ye MANZAR
yahan par tera dil behalta hai KUON KAR??
jahan mai kahin SHOR-E-MATAM WAFA hai
kahin fikr-o-faka sai AHO BAKA hai
kahin shikwa CHORO-MAKRO-DAGHA hai
gharz har taraf sai yehi bas SADA hai
JAGA JI LAGANAY KI DUNYA NAHI HAI
YEH IBRAT KI JA HAI TAMASHA NAHI HAI
Jaga ji laganay ki dunya nahi hai