**haal-e-DIL bhi na keh saka garchay
tu rahi muddato’n kareeb mere
tu mujhay choard k chali bhi gaee
khair kismat meri naseeb mere
ab mein kyoun tujhko yaad karta hoon
jab tere shehr say guzarta hoon
wo zamaana teri muhabbat ka
aik bhuuli hui kahaani hai
kis tamanna say tujhko chaaha tha
kis muhabbat say haar maani hai
apni kismat pay naaz karta hoon
jab tere shehr say guzarta hoon
**
Re: Jab Tere Shehr Se Guzarta Hoon …
Amazing, just amazing :k: Shaed do, teen logoN ney ye ghazal gaai bhi hey. Kisi ke paas ye ghazal ho to please share karey 
Re: Jab Tere Shehr Se Guzarta Hoon ...
*wo zamaana teri muhabbat ka
aik bhuuli hui kahaani hai
kis tamanna say tujhko chaaha tha
kis muhabbat say haar maani hai wo zamaana teri muhabbat ka
aik bhuuli hui kahaani hai
kis tamanna say tujhko chaaha tha
kis muhabbat say haar maani hai *
buhat kkkkhoooooob
Re: Jab Tere Shehr Se Guzarta Hoon ...
Buhat khub!
Re: Jab Tere Shehr Se Guzarta Hoon ...
This is a very beautiful poem by Saif uddin Saif. I am taking the liberty to post it completely.
Dil bhi karta hai yaad chup kay tujhe
naam leti nahi zubaan tera
Jub tere shehar se guzarta hon
Is qadar bhi nahi mujhe maloom
kis mohallay main hai makan tera
konsi shaq-e-gul pay raqsan hai
rashk-e-firdous aashiyan tera
janay kin wadiyon mai tehra hai
ghairat-e-husn karwan tera
kis say poochon ga main khabar teri
kon batlay-e-ga nishan tera
teri ruswaiyon se darta hon
jub tere shehar se guzarta hon
go zamana teri muhubat ka
aik bholi hoi kahani hai
tere kochay main umr bhar na gaye
sari duniya ki khak chani hai
lazat-e-qurb ho kay zakhm-e-firaq
jo bhi hai teri meharbani hai
kis tammana say tujh ko chaha tha
kis muhabbat say har mani hai
aapni qismat pay naz karta hon
jub tere shehar se guzarta hon
haal-e-dil bhi na keh saka garchay
to rahi mudatton qareeb mere
kuch teri azmaton ka dar bhi tha
kuch khayalat thay ajeeb mere
aakhir-e-kar woh ghari aayi
bar war ho gaye raqeeb mere
tu mujhe chor kar chali bhi gayi
khair qismat meri naseeb mere
aab main kiyon tujh se piyar karta hon
jab ter shehar say guzarta hon
aaj is karzar-e-hasti main
to agar aik bar mil jaye
chain aa jaye aarzoon ko
hasraton ko qara mil jaye
jane kiya kiya khiyal karta hon
jab tere shehar se guzarta hon
koi pursan-ehaal ho to kahon
kesi aandhi chali hai tere baad
din guzara hai kis tarha main nai
raat kese dhali hai tere baad
roz jeeta hon roz marta hon
jub tere shehar say guzarta hon
tujh se koi gila nahi mujh ko
main tujhe bewafa nahin kehta
warna ik be nawa muhabbat main
dil kay lutne pay kiya nahi kehta
This is incomplete. There are stanzas which I do not remember. Please complete it
Sajid
Re: Jab Tere Shehr Se Guzarta Hoon ...
khaan saab. chaa gaey ho . :)
and guys , The appreciation is an honor :)
Re: Jab Tere Shehr Se Guzarta Hoon ...
Khaan saab , im sorry 4 i searched a lot on the net for this poem.Didnt find the complete poem.I found even shorter versions though.May b some1 else could do the favor. Believe me. There is life on this plannet. :)
Re: Jab Tere Shehr Se Guzarta Hoon ...
Is Se Pehle Ke Teri Chashm e Karam
Ma'Zrat Ki Nigah Ban Jaii
Piyaar Dhal Jai Mere Ashqon Main
Aarzo Aik Ahh Ban Jaii
Mujh Pe Ajai Ishq Ka Ilzam
Or Tu Be Gunah Ban Jaii
Main Tera Sheher Chor Jaonga
Main Tera Sheher Chor Jaonga
Is Se Pehle Ke Saadgi Teri
Lab e Khamosh Ko Gila Keh De
Teri Majburiyan Na Dekh Sake
Or Dil Tujhko Bewafa Keh De
Jaane Main BeKhudi Main Kya Pochon
Jaane Tu BeRukhi Se Kya Keh De
Main Tera Sheher Chor Jaonga
Main Tera Sheher Chor Jaonga
Chor Ke Saahil e Hayaat Chala
Ab Safeena Mera Kahin Tehre
Zeher Peena Mera Muqaddar Hai
Or Tere Hont Dil Nasheen Tehre
Kis Tarha Tere Aastan Pe Rukon
Jab Na Paon Tale Zameen Tehre
Main Tera Sheher Chor Jaonga
Main Tera Sheher Chor Jaonga
Mujhko Itna Zaror Kehna Hai
Waqt e Rukhsat Salam Se Pehle
Tor Loon Rishta e Nazar Main Bhi
Tu Utar Aaye Baam Se Pehle
Yeh Meri Jaan Mera Waada Hai
Kal Kisi Waqt Shaam Se Pehle
Main Tera Sheher Chor Jaonga
Main Tera Sheher Chor Jaongaa
Re: Jab Tere Shehr Se Guzarta Hoon ...
Boht khoob,