As much as i remember..
Kis tarha rokta hon ashk apne
Kis qadar dil pe jabr karta hon
Aj bhi kaarzaar e hasti mai
Jab tere shehr se guzarta hon
Is qadar bhi nahi mujhey maloom
Kis mohallay mai hai makaan tera
konsi shakh e gul pe hia raqsaan
Rashk e firdaus ashiyaan tera
Jane kin waadiyon mai utra hai
Ghairat e husn, karwaan tera
Kis se poochon ga mai khabar teri
Kaun batlaye ga nishan tera
Teri ruswaiyon se darta hon
Jab tere shehr se guzarta hon
Hal e dil bhi na keh saka garchay
Tu rahi muddaton qareeb mere
kuch teri azmaton ka dar bhi tha
Kuch khayalat they ajeeb mere
AKhir e kar wo gharhi ayi
Bar war hogaye raqeeb mere
Tu mujhey chorh kar chali bhi gayi
Khair qismat meri, naseeb mere
Ab mai kyon tujh ko yaad karta hon
Jab tere shehr se guzarta hon
Go zamana teri mohabbat ka
Aik bholi hui kahani hai
Tere koochay mai umer bhar na gaye
Saari dunya ki khaak chaani hai
***Dolat e wisl ho ke zakhm e faraaq ***
Jo bhi hai teri meherbani hai
Kis tamana se tujhko chaha tha
Kis mohabbat se haar mani hai
Apni qismat pe naaz karta hon
Jab tere shehr se guzarta hon
Tujhse koi gila nahi mujhko
Mai tujhey bewafa nahi kehta
Tera milna khayal o khwab hua
Phir bhi na ashna nahi kehta
Wo jo kehta tha mujhko “Awara”
Mai usay bhi bura nahi kehta
Werna ik be nawa mohabbat mai
Dil ke lutne pe kya nahi kehta
Mai to mushkil se aah bharta hon
Jab tere shehr se guzarta hon
Aj bhi kar zar e hasti mai
Tu agar aik baar mil jaye
Kisi mehfil mai saamna hojaye
Ya sar e rah guzaar mil jaye
Ik nazar dekh le mohabbat se
Aik lamhe ka pyar mil jaye
Arzuoon ko chain ajaye
Hasratonko qara mil jaye
Jane kya kya khayal karta hon
Jab tere shehr se guzarta hon :hinna:
(Saif Uddin Saif)
i had once remembered all of it by heart :hinna: 