Jab tera hukam mila, tark-e-muhabat kar di
Dil magar is pe wo dharka k qayamat kar di
Tujh se kis tarha mein izhar-e-tamana karta
Lafz soojha to maani ne baghawat kar di
Mein to samjha tha k loat atay hain jaane wale
Tu ne to ja k judai meri qismat kar di
Mujh ko dushman k iradon pe bhi pyar ata hai
Teri ulfat ne muhabat meri adat kar di
Pooch beitha hon mein tuj se tere koochay ka pata
Tere haalat ne kaisi teri sorat kar di
Kya tera jism, tere husan ki hiddat mein jala
Rakh kis ne teri sonay ki si rangat kar di
(Ahmed Nadeem Qasmi)
