Hi everyone!
I really love this message board and all of the poetry is very nice. Keep it up.
Meri taraf se ek chotta sa nazraana qabool karen, umeed karti hoon ke ap (parhen ge) aur ap ko acha lage: (Shayad aap ne pehle bhi parha ho.)
~Kaliyon jaisa rang shagufta, phoolon jaisi kaaya hai,
Neenden ur gayin sab logon ki jab se woh shaher mein aaya hai,
Us ke chehre ki narmi se phool jawani maangen,
Us ki roshan aankhon se raaten bhi kahaani maangen,
Chalne ka andaaz hai woh, maujen bhi rawaangi maangen,
Sab ki aankhon par woh rangeen sapna ban ke chhaaya hai,
Neenden ur gayin sab logon ki jab se woh shaher mein aaya hai
Logon ka to kaam hai woh sholon ko hawa dete hain,
Chhoti chhoti baaton ka afsaana bana dete hain,
Woh jis raste se bhi guzre us ko sada dete hain,
Woh ghar se kam hi nikle yeh hum ne ussey samjhaaya hai,
Neenden ur gayin sab logon ki jab se woh shaher mein aaya hai
Mere haathon mein hai jaise us ke haathon ki khushbu,
Meri tanhaai mein jaise us ki baaton ki khushbu,
Mere sheron mein hai jaise us ki saanson ki khushbu,
Us hi ke liye hain ghazlen, nazmen, shayar jis ne humen banaaya hai,
Neenden ur gayin sab logon ki jab se woh shahar mein aaya hai…
Thanks