aadaab, dosto!
ek haaliya Ghazal pesh-e-Khidmat hai. mulaahiza farmaaiye aur bataaiye ki kaisii lagii.
**Ghazal
jab se ham chaar paise kamaane lage
ahl-e-dunyaa to sar par biThaane lage!
haisiyat se haiN vaabasta rishte sabhii
ye samajhne meN ham ko zamaane lage
kaasa dekhaa jo ik tifl ke haath meN
aish-o-ishrat ke daave fasaane lage
ik zameeN to saNbhaltii nahiiN aur ham
chaaNd taaroN pe dunyaa basaane lage!
ham ne dekhe haiN ahl-e-siyaasat ke dil
buGhz-o-nafrat ke sab kaar.Khaane lage
adl-o-eemaaN mataa-e-dukaaN ho gaye
log in kii bhii bolii lagaane lage
aaj kii nasl kii fikr ke saamne
apne afkaar-e-:nau: bhii puraane lage
kyaa hai tinke kii qeemat, Khabar ho gayii
jab nasheman ham apnaa banaane lage
zindagii kaa sabaq hai, kuchal do use
jab tamannaa koii sar uThaane lage
ham ne sochaa thaa :Waseem:, kahoge Ghazal
tum to apne masaail sunaane lage!
Waseem Ahmed **
system
2
Re: jab se ham chaar paise …"
Bey-hadd khoobsurat ghazal hai Waseem, jismeiN dunyadaari ka aqs ubharta hua nazar aata hai. Thank you so much for sharing.. and keep writing 
Amal
3
Re: jab se ham chaar paise …"
Bohat khoob Waseem:k:… aaj ke haqaeq ka bohat khoob jaeza lia hey aap ney:k:…thanx for sharing it with us
Re: jab se ham chaar paise …"
WOnderful as Usual… Good Picturatization of Our Real Life… Keep it up :k:
Dania
5
Re: jab se ham chaar paise ..."
nice
Re: jab se ham chaar paise ..."
Beautiful Ghazal,thanks for sharing :-)
Re: jab se ham chaar paise ..."
"haisiyat se haiN vaabasta rishte sabhii
ye samajhne meN ham ko zamaane lage "
aise baat toh naheen hae... i dont agree with this...
haan boht se rishtay aise hotay haen...lekin har koi aisa naheen hota :)
abdi
8
Re: jab se ham chaar paise …"
:k: wonderful
abdi
9
Re: jab se ham chaar paise …"
yani k aap zinda ho… hmmmm