jab merii haqiiqat jaa jaa kar un ko sunaaii logon ne
kuchh sach bhii kahaa kuchh jhuuTh kahaa kuchh baat banaaii logon ne
DhaayeN hain hameshaa zulm-o-sitam duniyaa ne muhabaat vaalon par
do dil ko kabhii milane na diyaa diivaar uThaaii logon ne
aaNkhon se na aaNsuu poonch sake honThon pe Khushii dekhii na gaii
aabaad jo dekhaa ghar meraa to aag lagaaii logon ne
tanhaaii kaa saathii mil na sakaa rusvaaii mein shaamil shahar huaa
pahale to meraa dil toD diyaa phir eid manaaii logon ne
is daur mein jiinaa mushkil hai ai ‘Ashk’ koii aasaaN nahiin
har ik qadam par marane kii ab rasm chalaaii logon ne