Jab agle saal yeh waqt aa raha ho ga,
Yeh kon janta hai kon kis jaga ho ga…
Tu mere saamne betha hai aur mein sochta hoon,
Ke aate lamhon mein jeena bhi ek sazaa ho ga…
Yehi damakte huye pal dhuwan dhuwan hon ge,
Yehi chamakta hua din bhujha bhujha ho ga..
Lahoo rulay ega woh dhoop chaon ka manzar,
Nazar uthaoon ga jis simat jhat pata ho ga…
Isi jaga jahan hum aaj mill ke baithe hain,
Isi jaga par khuda jane kal kiya ho ga…
Bicharne wale tujhe dekh ker sochta hoon,
Tu phir mille ga to kitna badal gaya ho ga…