phir hareef-e-bahaar ho baithay
jaanay kis kis ko aaj ro baithay
thi, magar itni raaegaaN bhi na thi
aaj kuch zindagi say kho baithay
teray dar tak puhunch kay laut aaey
ishq ki aabru dubo baithay
saari dunya say door ho jaaey
jo zara teray paas ho baithay
na gaee teri bay-rukhi na gaee
ham teri aarzu bhi kho baithay
Faiz, hota rahay jo hona hay
she’r likhtay raha karo baithay
Faiz. for my naik