Jaal, by Amjad Islam Amjad
jub mere paas the tum
mene kai baar ye socha tum se
aankh me bikhray hue khwaab ka ahwaal kahoon
ke se katte hain mere roz-o-mah-o-saal kahoon
faislay aur amal mein laiken ik deewar jo sadyon se khari he mein bhi
us pe rozan hi banane ki tag-o-do me raha
sae-e bekar tamanna ki qalam ro me raha
ab jub tum bichchray ho to
din raat mere dil me ajab wehm sa rehta he
ke jese mein ne,
yun hi ik khauf ko deewar bana rakha tha
dil ko ik nuqta-e-purkar bana rakha tha
sochta hun agar mein ne khabi
tum ko is khwaab ka ehwaal sunaya hota
to bhala kia hota
hud se hud tum mery baton se khafa ho jate
ik tamuskhar ki hansi hans ke judaa ho jate.
--------_____________________________--------
Hope you guys like my first post.