Mujh ko maaloom hai tum badal jao gay ja ke pardes mei
Chahaton ki hadon se nikal jao gay ja ke pardes mei
Rakh ho jaye gi qurbaton mei mehakti hui zindagi
Hijar ki aag mein tum pighal jao gay ja ke pardes mei
Sub ko bhoolo gay per apne bacchon ki jub tum ko yaad aaye gi
Khud bhi bacchon ki soorat machal jao gay ja ke pardes mei
Apni pehchan ko khawahishon ke samandar mei gar kho diya
Dastano mei phir tum bhi dhal jao gay ja ke pardes mei
Ain mumkin hai jub tum wahan jao to aur barh jayein dukh
Kis ne tum se kaha hai behal jao gay ja ke pardes mei
Yeh batadoon tumhay sardiyan aag barsayein gee uss jagah
Soch lo ab yoon hath dalein gee tanhayiaan aik waqt aayega
Koii aahat bhi hogi to dehal jao gay ja ke pardes mei