Baat suno
Ilfaaz tu khu gye hein
ab izhaar kesiey keroon
Kia kha?
Izhaar kesie keroon?
Izhaar kia nahien jata, khudbakhud ho jata hay
keisey ho jata hay?
yahi tu mushkil hey,
Jazbaat bohat hein per
Ilfaaz saath nahien dey rhey
Paagal,
kabhi Ilfaaz bhi jazbaat key saani hoye hein
Lafzoon key rishtey tu bey ma-anni hotey hein
aur phir,
Izhaar key liey,
Iqrar key liey
Ilfaaz zaroori tu nahien
leiken phir bhi
Ilfaaz ka sahara tu leina perta hay
ham muhtaaj hein en key
tumhein kis ney kha hay?
Kabhi Kabhi
Ankahi baatien bhi peigaam ban jatti hein
Chehrey kitaab ho jatey hein
aur, Aankhoon key rang
saarey raaz afsha ker deitey hein
tu phir tum
kissi aisey hi samey
meri aankhoon mein jhaank leina
merey chehrey ko perh leina
peigaam sun leina
tumhien saarey iqrar, saarey izhaar mil jayein gey..
chodhry
dont know keisi lagti hey, bass aisey hi aya hey zehn mein tu likh diaa…
bohatt achiii haiiiii…actually mein khudh thori bohat shairyyy karti hoon…to agar uss lehaaz se dekhoon..to mashaAllah..aapne to bohat achi likhi haii…GOOD JOBBBBBBBB!!..keep it uppp..! :k:
bohat shukria Ummehani, aap bhi nye aayee lagti ho meri terhah, guppies here are so nice n encouraging and nice to know tht key aap bhi thoori bohat shayery kerti hein. kuch thoori bohat hamein bhi sunaye ga kabhi, kuch thoora bohat ham bhi appreciate ker dein gey aap ko…aur kuch thoorra bohat baqqi guppies…hehehehe:) just kidding thank you so much for ur comments.
