Generally this section has very serious type of poetry, this is poem to lighten up the mood:)
Itihas ki Pariksha {Exam of History}
Itihas parikha thi us din, chinta mein dil dhadkta tha
The bure shakun ghar se chalte hi, baya haath phadakta thaa.
Maine jo sawal yaad kiye, wo bass aadhe aadhe yaad hue
Unme se bhi khuch, school talak aate aate barbad huye
Tum bees minute ho late, darwaze par chaprasi ne batlaya
Mein mail train sa doudta kamre ke andar aaya
Parcha haathon mein pakad liya, aankhein moondi tuk jhoom gaya
Padhte hi chaaya andhera, chakkar aaya sir ghoom gaya
O sawal likhne waale, kya moonh lekar uttar de hum
Tu likh de teri jo marzi, yeh parcha hai ya atom bomb
Phir aankh moond kar baith gaya,bola bhagwan daya kar de
Mere dimag mein in sawalon ke jawab thoos thoos bhar de
Mera bhavishya hai khatre mein, mein jhool raha hoon aayein baayein
Tum bhagwan karte ho sada, sankat mein bhakton ki sahay.
Aasman cheer ambar se, aayi gehri aawaz,
Are bewakoof bekar mein rota kyon hai, tu aankh khol kar idhar dekh
Geeta kehti hai karam karo, phal ki chinta mat kiya karo
Mann mein aaye jo baat usi ko parche par likh diya karo
Mere mann ke darwaze khule, parche par chali kalam,
Jaise kisi khet mein chalta hai halwahe ka hal
Maine likha panipat ki, doosri jung hui thi saawan mein
Japan germany banam hui, attarah sau sattavan mein
Likh diya mahatma Buddh mahatma Gandhi ke chele they
Gandhiji ke sang bachpan mein aankh micholi khele they
Rana pratap ne gouri ko, kewal dus baar haraya tha.
Akbar ne hind mahasagar, amreeka se mangwaya tha.
Mahmood gaznavi uthte hi roz do ghante naachta thaa.
Auranzeb rung mein aakar, doosron ke jeb kat-ta thaa.
Aese kai bhaavon se, phoote kai dil ke phawware
Jo jo sawal they yaad nahi, wohi parche par likh mare
Ho gaya teacher pagal sa, ,meri copy ko dekh dekh
Bola in sabhi mein hoshiyar hai bass yehi ek
Auron ke parche phenk diye, mere sab uttar chaannt liye
Zero number dekar baaki ke saare number kaat diye
