Roye Hain Bhut Tab Zara Karaar Mila Hai
Iss Jahan Mein kisey Bhala sachha Pyaar Mila hai
Guzar rahi hai zindagi Imtehan ke daur se
Ek khatam Hua Tau Doosra Taiyaar Mila hai
Mere Damaan ko khushiyo ka nahi Malaal
Gham ka khazana jo isko beshumar mila hai
Wo kamnasib hein jinhe mehboob mil gaya
Mein khushnasib hun mujhe Intezaar mila hai
Gham nahi mujhe ke Dushman hai yeh zamana
Jab Dost Hathoon Mein Liye Talwaar Mila hai
Sab Kuch Khuda Ne Tum Ko Bhala Kaisey De Diya
Mujhe To Uske Dar Se Sirf Inkaar Mila hai