Islam and Culture

[P_G]

Re: Islam and Culture

@muqawwee123

culture hai kiya? kiya kisi ilaqe ka makhsoos libaas (jo ke uske mosam ke hisab se tarveej pata hai), uska culture nahin? Islam se pehle bhi Sindh main Ajrak aam thi , aaj bhi hai. Islam ne isse mana nahin kiya ke Sindh ke log Ajrak na pehne.

waise Islam ye bhi nahin kehta ke her Muslaman Arabic bole ya Arbon wale naam rakhe.

to Islam to baRa flexible lagta hai, Muslaman itne flexible nahin lagte. wajah? kiyunke maftooh qomen hamesha apne purane fatehon se marghoob rehti hain. hamen Sikandar Yunanai aaj bhi pyara hai. Goron ki Angrezi ke bagher hum aaj bhi taraqi ka tasawwur nahin kar sakte. waise hi hum Arab culture ko apnate huwe fakhr mehsoos karte hain halanke Islam main aisa koi jabr nahin. jab deen main jabr nahin hai to jis ilaqe main wo deen pala baRha, uss ke culture ko apnane main kaisa jabr?

culture ko asaan zaban main URF kehtay hain… or ISlam main is ki ahmiyat hai bulkay sahrayee masaail main URF ka aytbaar kia jata hai

fiqaah main ik masla hay k kissi nay qasam khaaye k main ANDA (egg) nahi khaaon ga or phir us nay Chirya ya kabooter ka anda khaa liya to fuqaha-e-karam nay kaha is ki Qasam nahi tootay gee kion k URF main andha khana say muraad murghe(hen) ya Battakh (duck) ka hota hai

lakin sath main yeh bhi batya k agar Qasam khaanay wala aysay Ilaqay main rehta hay jahan chirya ya kabooter ka Anda khaaya jata hay to is AB is ki qasam toot gayeee ..Kaffara ada kerna ho ga

Look …Culture ki kitnee ahmeyat hai …Islam is ka layhaaz kerta hai

Mera sawal yeh hay k ISLAM humain Cultur main bhi GUIDENCE to day hee raha hay …k humain kahan tak AZADI hay …

phir is bat ka kia mutlub hai k hum kahain k yeh Cultur ki baat hay is main ISLAM dermiyaan main na laaao ?

bohat bareek say fark hay yahan , k kia Cultur k nam per hum un cheezon ko apna saktay hain jo Islaami Ahkaamaat say mutasadim hon ..chahay us ka level makrooh ,napasandeeda hee k derjay main ho ?