Ishq men la’jawab hain ham log
maahtaab aaftaab hain ham log
Garche aehl-e-sharaab hain ham log
ye na samjho Kharaab hain ham log
Shaam se aa gaye jo pine par
subah tak aaftaab hain ham log
Naaz karti hai Khana-virani
aise Khana-Kharaab hain ham log
Tu hamara javaab hai tanha
aur tera javaab hain ham log
Khub ham jante hain qadr apni
kitne na’kaamyaab hain ham log
Har haqiqat se jo guzar jayeN
vo sadaaqat-ma’aab hain ham log
Jab mili aaNkh hosh kho baiThe
kitne hazir-javaab hain ham log.
Khawab.Rung