iShQ maeN ma’rakay balaa kay rahay
iShQ maeN ma’arkay balaa kay rahay
AaKhiraSh ham Shikast khaa kay rahay
yeh alag baat hai key haaray ham
HaShr ik baar to uThaa kay rahay
safar-e Gham ki baat jab bhi chali
tazkaray taeray naQSh-e paa kay rahay
jab bhi Aa’ie ko’ie KhuShi ki ghaRi
din GhamooN kay bhi yaad Aa kay rahay
jis maeN saaraa hi Shehr dafn hu’aa
faiSlay sab aTal havaa kay rahay
apni Soorat bigaR ga’ie laikin
ham unhaeN Aa’inah dikhaa kay rahay
hoNT tak see diyay thay phir bhi ~NAZAR~
zulm ki daastaaN sunaa kay rahay