By Nudrat Lodhi
Hum boodhe log tou boodhe hain
Hum rasm-e-zamana kya jaanein
Kahin waiz hain kahin naseh hain
Hum pyar jatana kya jaanein
Tum ishq ke ho gey sodai
Per ishq ke maani kya jano
Izhar-e-tamanna karne ko ya haath pakad ker chalne ko
Tum ishq ke maani pehnao
Kis park mein ja ke baith gaye
Kahin ghas pe ja ke leit gaye
Kisi college mein university mein
“I love you” kehna ishq nahin
Tum zaat pe marne waley ho
Tum ishq ke maani kya jano
Hum yun tou azal ke boodhe hain
Per ishq ka rutba pehchanein
Mujhe tum se mohabbat hai sachchi
Hum log yeh kehte darte hain
Hum rasm-e-mohabbat se waqif
Aadab-e-mohabbat karte hain
Kehne ko tou hum bhi keh guzrein
Per qol nibhaeinge kaise
Phir khoon-e-jigar peena hoga
Sehraon mein jeena hoga
Hum kachche ghade se larzeeda
Hum aag mein kood nahin sakte
Hum jalti rait se khaufzada
Hum nehrein khod nahin sakte
Ik roz kaha tha amman se
Mujhe sab se pyari lagti ho
Woh qol nibhana doobhar hai
Naye qol-o-qarar karein kaise
Tum ishq ke ho gey sodai
Per ishq ke maani kya jano
Hum log sada ke boodhe hain
Per ishq ka rutba pehchanein