salaam dosto,
ummeed hai k mizaaj-e-giraamii ba_Kahir hoNge.
**Jinx Bro **kii farmaa’ish par vaalid-e-marHoom kii yeh Ghazal aap logoN ke saath share kar rahaa huN.
to Ghazal mulaaHiza/samaa’at farmaaiye:
faqat aHqar
_______KKF
tujh se kahte na the, ai dil!, na phir aazaad bahot
is taraf phirte haiN kuchh roz se saiyaad bahot
terii aaNkhoN ne ujaaRe haiN ghar aabaad bahot
is Kharaabe kii bhii moHkam nahiiN buniyaad bahot
be_niyaazii jab unheN kuchh nahiiN karne detii
na kareN kuchh, yehii kar deN, na karuuN yaad bahot!
raaste meN jo paRe the unheN kia aataa thaa
terii doorii ne kiye Khud hii fan iijaad bahot
dekhte hii na raheNge jo abhii baiThe haiN
nahiiN uftaadah vo, ho jaaye jo uftaad bahot
maiN tabassum use kahtaa huN k kuchh rangiiN hai
un laboN par bhii nazar aayii hai faryaad bahot
aaNkh se bah ke nikal jaate haiN aaNsoo taa door
vo mire kaan meN kar jaate haiN irshaad bahot
kia kahuuN aap se maiN Husn un ashkoN kaa, “Qadeer!”
raqs meN jaise hoN ik sath parizaad bahot
shukria
