**Is baar naheiN**
Jab yaad ke jugnu ik ik kar ke raat dhaley ghar aaeiN ge
jab palkoN ki chilman ke peechey khaab terey ghabraeiN ge
jab aankh bhaNwar ban jaey gi aur ashq in meiN bhar jaeiN ge
jab toot ke bikhro ge humdum to kaho tumheiN kya lagta hey
tum yaad karo ge jab hum ko hum laot ke phir aa jaaeiN ge?
Is baar naheiN, is baar naheiN – hum’dum tumhaarey kehney par
is baar palatna mushkil hey
is baar jo toota hey dil meiN us khaab ka jurrna mushkil hey
is baar to roney do hum ko is baar to khurrhna mushkil hey
is baar to socho thorra sa kis baat pe dil ko torra tha
is baar jahaaN hum aaeiN heiN ab wahaN sey murrna mushkil hey!
:k: :k: :k: :k: :k: :k: :k:
Hum samjhey the tum dey do ge jab haath tumhaara maaNgeiN ge
yuN lagta tha bas chal do ge jab saath tumhaara maaNgeiN ge
ab jaana hey wo ghalti thi ab deikha hey sab dhoka tha
ab sochtey rehtey heiN har dam kiuN aesa hum ney socha tha
tum shaaed bhool bhi jaao ge par hameiN to sochtey rehna hey
kya wo hum sey poocheiN ge hum kesey unheiN samjhaeiN ge
jab yaad ke jugnu ik ik kar ke raat dhaley ghar aaeiN ge!
By: Amal
