I love this poem, but idon’t know whether it’s complete and the lines are in order or not.If anyone heard it then plz. correct the sequence…
Yunhi bay-sabab na phira karo, koi shaam ghar main raha karo
Woh ghazal ki sachi kitaab hai, ussay chupkay chupkay parha karo
Koi haath bhi na milaey ga, jo galay milo gey tapak say..
Yeh naey mizaaj ka shehr hai, zara faasilay say mila karo
Abhi rah main kaee more hain, koi aaey ga koi jaey ga
Tumhain jis nay dil say bhula diya, ussay bhoolnay ki dua karo
Mujhay ishtihaar si lagti hain yeh mohabbaton ki kahaniyan
Jo kaha nahi woh suna karo, jo suna nahi woh kaha karo!
Kabhi husn pardah naseen bhi ho, zara aashiqana libaas main
Jo main ban sanwar kay kahin chalon, merey saath tum bhi chala karo
Nahi bey hijaab woh chaand sa keh nazar ka koi asar na ho
Ussay itni garmi e shoq say barri dair tuk na taka karo!!!
by Basheer badar