Frendz ! i thouhgt i must share these golden lines with loverz of poetry, by parven shakir in her book “khushboo” who give most beautifull female touch to urdu poetry and feel her perception and way of introduction of khushboo,hope you will like it.
Gureez pa lumhoon ke tot’ti hoye dahleez per,hava kay bazoo thamay,ek larke khare hay or soch rahe hay kay is samay aap say kia kahay ! baras betay, gaye raat kay kise thah’ray hoay sanatay main is nay apnay rub say dua ke the kay us per us kay ander ke larke ko munkashaf kar day.mujhay yaqeen hay,ye sun kar us ka khuda is dua ke sa’dge per ek bar tou zaror muskuraya ho ga !(kache umroon ke larkya’n naheen jante’n kay aashob-e-aagah-ee say bara azab zameen valoon per aaj tak naheen ut-tra) per vo us ke baat maan gaya…or ussay chaand ke tamana karnay ke umar main zaat kay shahr-e-hazar dar ka ism ata kar dia gaya !
shahr-e-zaat…kay jis kay sub darvazay ander ke taraf khultay hain or jahan say vapse ka koi raasta naheen.
baat ye naheen kay faseel-e-shahr-e-jaa’n ke zard beloon per kabhe kise ka jamal ,soorat-e-sahab naheen ut-tra,ya is shahr ke galyoon main zindage nay khushboo naheen khele…yahan to aaisay mosam be aa’y kay jub bahar nay aankhon per phool bandh diay thay or hasa’r-e-rang say rahaayy’e dushvar ho gayee thee…magar jab hava kay dil main barhana shakh’hen gurr jaeen to bahar kay hathon say saray phool gir jatay hain !!
inhe phool’on ke pankhry’aan chuntay chuntay,aaina dar aaina khud ko khojti ye larke !..shahr ke us sunsaan gale tak aa pouhnche hay kay mur kar dekht’e hay tou pechay door door tak kirchy’aan bikhre hoyee hain… aaisa naheen hay kay us nay apnay aks ko jornay ke sa’ee naheen ke… ke…per us khel main kabhe tasveer dhundhla gayee our kabhee unglyaa’n laholohan ho gayee !khushboo usse safar ke kahane hay! heraa’n aankhon shabname’n rukhsaroon or uddas muskurahat vale is larke ko aaitiraf hay kay ye kahane nayee naheen hay(or ye kia ,dunya ke koi kahane nayee naheen hay ye to hamaray ander ka kahane’ kar hay jo us ko aaisa sundar bana deta hay kay sansaa’r ka mun moh lay..)
phir khud ko panay ke justujoo main apna aap kho dena tou baree puranee baat hay… per hay bhut sache or naguzeer..!nudrat jazboon kay jamal ka maa’yar naheen hoa karte…jazbay ka husn to us ke sachaa’ee hay or izhaa’r ke dilkashee us ka aaitimad hay so ye larkee be jab aap say baat karay ge to us ke pulkeen bay-shuk bhege hoyee hoon ge…leken zara go’r say dekhy’ye ga… us ka sar uth-ha hoa hay..!!
raat kay pyasay hathoon say apnay khuwaboo’n ka khalee jaam kis nay wapis lia hay or phir us soorat main kay jab vo shikista be ho!kirchyaa’n aankhon main chubhe rah jatee hain…jin say naay din kay sooraj ke kirnoon ka takra’o, had-e-nagah tak rangoon kay jaa’l bichata rehta hay…or chasm-e-khoon basta ,aanay vale raat laho tapaknay tak,us fareeb suroor main rahtee hay kay aazar gaya!us khush gumanae ka zahr jab tan badan main khil jaa’y to jism kay shajar per ek mosam bare deer tak thah’r jata hay…zakhmoon kay, phool ban’nay ka mosam !
shajar per ek mosam baree deer tak theh’r jata hay…zakhmoo’n kay phool ban’nay ka mosam..
hava nay jab phool ko choma to khushboo nay janam lia…!! khushboo jo khilte hoye kalee ke muskura’hat be hay or murjha’ay hoay shagoofay ka noha be..,jo hava ke saansoon main ut-tar kar,khaza’an naseeb darakhtoon ke mase’haye karte hay or is amal main khud jaa’n say be guzar jate hay, khushboo jo muhabbat ke tarah haft-aasmaa’n,doste ke tarah mehr-baa’n,neke ke tarah yaad rehnay valee or rafaqat ke tarah dukh batanay valee hay,jo bachpan ke sahele ke tarah jaltay mathay per haath rukh dete hay or maa’n ke tarah ,pul bhar main,vajood kay saray dukh chun lete hay..!!
magar…jis ka muqadar vehshat hay..!
jis kay maathay per hava ke ungalyoo’n nay bay sar-o-samane likh de hay !
jis ka koi ghar naheen !
jis ke zindage ko chay-noor de hay!aabla payee hay,pareshan badane hay !
or jissay thak kar kisee de’var say tek laganay,kise chahoo’n main aankhen mond lenay ke ijazat naheen !
kay !
safar is ka taa’qub kar raha hay…
vajood ko jub muhabbat ka vijdaa’n mila to shair’re nay janam lia…us ka aa’hang vahee hay jo moseqe ka hay kay jab tak saray sur sachay na lageen , galay main noor naheen aata..!.. dil kay sub zakham lo na dain to huroof main roshne naheen aatee…!
vajood kay sur teva’r be hotay hain or komal be…teva’r sur azab latay hain or komal khuwab..! kabhe chekh ! kabhe kira’hh !kabhe siskee ! or kabhe guftagoo,kabhe sargoshe or kabhe mehz khood kalamee!..
“khushboo”… ke oonche aawaz aap ko shayad he sunayee day…kay azaboon ke pazera’yee kartay hoay be is larke kay hathoon main gulab he rahay…magar lehjay ke is saba fame say pehlay aaik raat zaroor aate hay…
apne aag main jal bhujhnay ke raat..!kay ander ke aag kham hoyee to koyla.. or bahir ke tapish say barh gayee to naqsh-e-sweda,hasht pehlve hera bun kar jagmaga uthha !!
khuch kam gosh ye kehtay hain kay is larke ke shair’re main sivaa’y barish ke hanse,phoolon ke muskurahat,chiryoon kay geetoon or us ke apne sargoshy’on kay ,or kuch naheen,…!!
agar zindage say muhabbat karna jurm hay to ye larke poray guroor kay sath apnay jurm ka aaitiraf karte hay ,neem khuvabe ka fsoo’n bare dair say toot-ta hay… per jab aaisa hoa to rozan-e-zandaa’n say aanay vale ,ajnabe syah bakht sarzameen’on ke hava kay aansoo’n ko us nay apne pulkoon per mehsoos kia hay,in ka namkeen zaiqa ,us ke shahd aashna zaba’n nay chukha hay …leken jo larke basant bahar ke narm hanse main bheeg chuke ho ,ussay khaza’n say dukh to ho sakta hay …ana’d naheen … jis kay akelay ghar main sharer chirya ka geet chah’ray uga chuka ho ,ussay sanatay say vehshat to ho sakte hay ,nafrat naheen,…!!
haan ! zaror kaheen zameen badsoorat be ho ge…magar us nay kabhe aaisa naheen socha…maa’n say muhabbat kartay hoay us ka chah’ra naheen dekha jata…!
muhabbat jab taqaza-e-jism-o-jaa’n say ma-vra ho ja’y to ilha’am bun jatee hay…“husn jab latafat ke aakhre hadoon ko cho lay to khushboo ban jata hay”…khushboo husn ke takmeel hay!is say koi sukhn fehm ye nay janay kay is larke ko takmeel-e-husn ka dimag hay…takmeel-e-husn ka khayal sirf ussay zaib deta hay jis nay takhleeq-e-husn ke…albata itna zaroor hay kay aap say bicharnay say pehlay ye larke khushboo ka taa’ruf poray aaitimad say kara rahee hay …is liay kay takhleeq kay taman lamhoon main vo sirf apnay vijdaa’n kay samnay jawab deh the or us kay vijdaa’n nay us kay kanoon main yahee sargoshe ke hay kay vo lamha aa gaya hay jab vo…“khushboo” ka hath hava kay hath main day sakte hay
PARVEEN SHAKIR