Intazar-e-Wasl hay aur dil ki yeh haalat meri
Tu hi bata dey aye Khuda kub hoon gay kum yeh faslay
Piyaas mujh ko deed ki aur tashnagi zoroon pay hay
Rooh tu teray naam hay abb jaan meri lay bhi lay
Nammi jo meri aankh main woo qatra bann kay gir gayi
Dil jo roota hay mera is raaz ko bhi bhaanp lay
Main jaanta hoon hain karri subb manzilain is raah main
Par tu karri say bhi karri mushkil main mujh ko jaanch lay
Baywafai ka gila mera chain aur sukhh lay urra
Main nahin hoon bewafa, meri baat tu yeh maan lay
Her sooch main tu hay meri, her fikr main bass tu hi hay
Tujhey chahata hoon jaan say, meri jaan yeh pahchaan lay
Main tarrapta hoon yahan, janain kia tera haal waan
Dooriyoon main kia rakha, in dooriyoon ko paat lay
Sabb tamanaien meri, sabb arzooien bhi teri
Poori hoon gi wasl say, abb tu yeh tuu jaan lay…
TAUSEEF....