This long but masterpiece Nazm was posted back in 2001 and written by Amal, while reading it again today I enjoyed it very much and thought of re-producing the same for all of you …
(i)
Mujhey mohabbat ke tilisam-qadey sey merey hamdam nijaat dey do
ke waqt ki dehleez pey bethey bethey tumhaara rasta taktey taktey
meri nigaahoN ki putlioN pey salwatteiN si parr gai heiN
tumhaarey dikhaaey sab saraaboN ke zaavioN ko baaham milaatey
merey khaaboN ke silsiloN ke taaney baaney bikhar gaye heiN
khayaaloN ki ruheN ujarr gai heN ruh ki tanaabeN ukharr gai heiN
meri tammannaoN key aainey bohat si kirchioN meiN bat gaey heiN
jo deeye jala key ummeed ke tum merey haathoN meiN rakh gaye they
aaj un diyoN ki roshni ko shadeed khatra hey aaNdhioN sey!
(ii)
Wo darakht saarey jo gawah baney they tumhaari meri chaahtoN key
wo saarey rastey jinhey thi aadat hamaarey qadmoN ki aahatoN ki
wo paa key mujh ko tanha akela ajeeb nazroN sey dekhtey heiN
aur lakrrioN aur patharoN key kaamosh shaahid ye poochtey heiN
ke kahaN gaya wo tera hamdam jisney hamey gawah bana kar
umr-e-rawaaN ke saarey rastoN pe saath chalney ki baat ki thi!
terey saath jeeney ki baat ki thi terey saath marney ki baat ki thi
kahaN gaya wo “wafa ka pekar”, tum aaj tanha kiuN phir rahey ho!
meiN kesey keh duN wo “wafa ka pekar” apney rastey badal gaya hey!
(iii)
MeiN jaanta hooN tumhaari aaNkhoN meiN naey chehroN ka aks hey ab
meiN jaanta hooN tumhaari baatoN meiN gai rutoN ka zikar nahi hey
meiN jaanta hooN tumhaarey sajdoN ko nayaa kaaba mil gaya hey
meiN jaanta hooN tumhaarey dil meiN kisi ehad ki fikar nahi hey
meiN jaanta hooN kisi safar meiN ik baar phir sey jo mil gaey ham
meri nigaahoN ke sawaal sun kar tumhaari aaNkehN chalak parreiN gi
tumhaarey aaNsu kaheN gey mujh se ye sab kismat ka kiya dhara hey
yuN aaNsu’oN ka saahaara ley kar tum apna daaman bacha to lo gey
par ye to kaho key waqt-e-judaai ye aaNsu’oN ke gawaah kahaN they!
(iiii)
Tum sey bicchra to meiN ney jaana key zindagi ka osool kya hey!
puraaney khaaboN ki maiyatoN pey naey khaabon se hasool kya hey!
khizaaN jab aaye to khushk pattoN ki zinddagi ka sawaal kya hey!
mohabbat ka suraj lafzoN sey aagey gaya hi na ho to zawaal kya hey!
koi un sey poochey jo patthroN ko khuda banaa ke poojtey heiN
jo wafa ke maani hi na jaanta ho to aesy “but” ko mohaal kya hey!
wo hazaar mandir, hazaar pujaari badal badal ke ji rahey gaa
to khud hi socho aesey sanam ko Laela-majnuN ki misaal kya hey!
jo aek hi “but” ko khuda banaaey pujtey heiN, wo phir sey socheiN…!
(v)
KhizaaN ka mosam jab darakht ki shaakhoN sey us ke pattoN ko nochta hey
kya qayaamat guzarti hey darakht ke dil pey, kon jaaney wo kya sochta hey!
kisey pata hey sitaaroN ke nagar meiN chaand kiuN hey sadyoN sey safar meiN
ye khuley to kesey key us ne aakhir kisey kho diya hey jisey dhoondta hey!
diloN ke iraadoN ki wuqqat hi kya hey ke kismat ki manzoor-e-nazar hey judaai
ab ye hi dekho ke daryaa kaa paani do kinaroN ko milney sey kiuN rokta hey!
chalo ham ne maana sab zameen waaley naadaan bhi heiN deewaaney bhi heiN par
sooraj sey poocho har shaam aakhir wahaaN jaata hi kiuN hey jahaN doobta hey!
by: Amal
Kabhi kabhi peechey jaana bhi acha lagta hey. Thanx zawanfira for rewinding the time