**Ek shakhs ko Dekha tha,
Taron ki tarah hum ne,
Ek shakhs ko chaha tha,
Apnon ki tarah hum ne,
Ek shakhs ko samjha tha,
Pholon ki tarah hum ne,
Wo shakhs Qayamat tha,
Kya us ki karen baten,
Din us k lye paida,
Aur us ki hi thi raaten,
Kam milta kisi se tha,
Hum se thi mulaqaten,
Rang us ka shahabi tha,
Zulfon mai thi mehkaren,
Ankhen thi k jadoo tha,
Palken thi k talwaren,
Dushman bhi agar dekhen,
So jaan se dil haaren,
Kuch tum se wo milta tha,
Baton main shabahat thi,
Haan tum sa hi lagta tha,
Shokhi mai shararat main,
Lagta bhi tum hi sa tha,
Dastoor-e-muhabbat main,
Wo shakhs hamen ek din,
Apnon ki tarah bhoola,
Taroon ki tarah dooba,
Phloon ki tarah toota,
Phir hath na aya wo,
Hum ne bohat dhonda,
Tum kis lye chonkey ho??
Tum kis lye chonkey ho??
Kab zikr tumhara hai,
Kab tum se taqaza hai,
kab tum se shikayat hai,
Ek taza hikayat hai,
Sun lo to inayat hai,
Ek shakhs ko dekha tha,
taron ki tarah hum ne,
Ek shakhs ko chaha tha,
Apno ki tarah hum ne,
Ek taza hikayat hai,
Sun lo to inayat hai…**"