**Ik kiran umeed ki, toota sitara ban gaii
Saawan ki aaii thi jhaRi, ashkoN ka dhara ban gaii
Toot kar ik shaakh ki maanind kal jo gir paRi
Aaj wo nanhi qalam, fasl-e-baharaN ban gaii
Ik zara se deep mein duniya jahaaN ka husn tha
Aaj teri ik nazar, misl-e-nazara ban gaii
Ab waqt khushiyaN laaye ga gham ka zamana tham gaya
Ye aas thamti saaNs tak dil ka sahara ban gaii
Jaane kis manzil ki khatir chal diye kashti liye
Aarzoo ki naao khud apna kinara ban gai
Ik teri umeed pe qaayem hai apni zindagi
Toot bhi gar ye gai to wasl-e-yaraN ban gaii**