is bastee kai ik kochai main, ik insha naam ka dewana
ik naar pai jaan ko haar gaya, mashoor hai uska afsana
us naar main aisa roop na tha, jis roop se din ki dhoop dabai
us shahr main kya kya goree hai, mehtaab rukhai gulnaar labai
kuch baat thi uski baaton main, kuch bhaid thai uskai chitwan main
wuhi bhaid kai joot jagatai hain, kisi chahnai walai kai man main
ussai apna bananai ki dhun main, huwa aap hi aap se begana
is bastee kai ik kochai main, ik insha naam ka dewana
na chanchal khail jawanee kai, na pyar ki alhar ghatain thin
bus raah main unka milna tha, ya phone pai un ki batain thin
is ishq pai hum bhi hanstai thai, be-hasil sa be-hasil tha?
ik zoor biphartai sagar main, na kashtee thi na sahil tha
jo baat thi unkai jee main thi, jo bhaid tha yaksir anjana
is bastee kai ik kochai main, ik insha naam ka dewana
haan umr ka saath nibhanai kai thai ahad buhat peeman buhat
wu jin pai bharosa kernai main kuch sood nahi, nuqsaan buhat
wu naar ye kah ker door hui, “majboori sajan majboori”
ye wahshat se ranjoor huai aur ranjoori se ranjoori
is rooz humain maloom hua us shakhs ka mushkil samjhana
is bastee kai ik kochai main, ik insha naam ka dewana
go aag se chatee jaltee thi, go ankh se darya bahta tha
her aik se dukh nahi kehta tha, chup rehta tha gham sehta tha
nadaan hain wu jo chairai hain, is aalam main nadanon ko
us shakhs se aik jawab mila, sub apnon ko beganon ko
'kuch aur kaho to sunta hon is baab main kuch mat farmana
is bastee kai ik kochai main, ik insha naam ka dewana
ab agai ka tahkeek nahi, go sunnai ko hum suntai thai
us naar ki jo jo baatain thin, us naar kai jo jo qissai thai
ik shaam jo usko bulwaya, kuch samjhaya becharai nai
us raat ye qissa pak kiya, kuch kha hi liya dukhyarai nai
kya baat hui, kis taur hui? akhbaar se logon nai jana
is bastee kai ik kochai mian, ik insha naam ka dewana
her baat ki khooj to theek nahi, tum hum ko kehnai do
us naar ka naam mukaam hai kya, is baat pai parda rehnai do
hum se bhi to soda mumkin hai, tum se bhi jafa ho saktee hai
ye apna bayan ho sakta hai ya apnee katha ho saktee hai
wu naar bhi akhir pachtai, kis kaam ka aisa pachtana?
is bastee kai ik kochai main, ik insha naam ka dewana
