Ik Anokhi Dua!

KKF · October 31, 2014, 5:22pm

Re: Ik Anokhi Dua!

maiN ne bahot paRhaa hai aur bahot sochaa hai. paRhnewaaloN ko donoN side se aagaah honaa chaahiye...right?

muqawwee123 · October 31, 2014, 5:24pm

Re: Ik Anokhi Dua!

aap ko ye kiyun ghuman guzra ke gham e Hussain manane wale unpaRh hain.. dekha jae to jis firqe main ye rivayat chal rahi hai unki naslen hum Sunni logon se ziada ilm rakhti hai apne mazhab aur tareekh ka.

Tahurra · October 31, 2014, 5:27pm

Re: Ik Anokhi Dua!

Baat app ki drust hay, magar ghamkhuwari shahadat per samjh se balatar hy mera tu buss yehi khena tha awwal sey, app k ilm mein agar koi behtreen aur asan urdu mein wakiya karbala ki kitab hy tu woh bhi suggest kardein sath sath, jazakAllah

muqawwee123 · October 31, 2014, 5:30pm

Re: Ik Anokhi Dua!

aap Molana maududi ki ‘Khilafat o Mamlukiyat’ paRh len.

rahi baat shahdat pe gham karne ki to iss pe matam na kiya jae to aur kiya:

http://www.paklinks.com/gs/world-history/649127-they-saved-his-hair-but-killed-his-heir.html#post10181819

mahool · October 31, 2014, 5:31pm

Re: Ik Anokhi Dua!

duwa main biddat?

KKF · October 31, 2014, 5:32pm

Re: Ik Anokhi Dua!

maiN ne yeh kab kahaa? vaise, kia yeh sach nahiiN k har 'aqeede ke logo ko apne hii 'aqeedoN kii aHaadees kaa pataa hotaa hai jo duusre firqe ke logoN ke liye Ghair maanoos aur Ghair yaqeenii huaa kartii haiN so yeh to koii daleel na huii...

Khair...

muqawwee123 · October 31, 2014, 5:34pm

Re: Ik Anokhi Dua!

aap ne ye kaha ke 'maiN ne bahot paRhaa hai aur bahot sochaa hai. paRhnewaaloN ko donoN side se aagaah honaa chaahiye'.. iss maine se ye ihsas huwa ke baqi logon ko kuch pata nahin..

Shia log aap ko Saha Satta se reference de ke bata sakte hain ke aap ki books main bhi likha hai... hamen to kahir unki books ke hi naam pata nahin.. hum to Nehjul Balagha ko bhi shajr e mamnoo'aa samajhte hain

KKF · October 31, 2014, 5:39pm

Re: Ik Anokhi Dua!

jaisaa maiN ne apnii awwaliiN post meN 'arz kiyaa thaa k is baHs o mubaaHisa kaa koii Haasil nahiiN...apne apne 'aqaaid meN ham sabhii kaTTar ho chuke haiN. baat saHeeH aur Ghalat hone kii hai...jo mujhe kahnaa thaa so maiN ne kah diyaa...use qubool karnaa yaa na karnaa maiN qaare'een ke oopar chhoRtaa huN.

:)

muqawwee123 · October 31, 2014, 5:42pm

Re: Ik Anokhi Dua!

ji bilkul. baat sahee aur ghalat hone ki hi hai.. per aap aur main kon hote hain decide karne wale ke Gham e Hussain manane wale ghalat hain aur hum jo her cheez ko biddat ka tag lagate hain wo hi saheeh hain?

KKF · October 31, 2014, 5:46pm

Re: Ik Anokhi Dua!

kiuN nahiiN? ma'loomaat baham pahoNchaanaa hamaaraa mazhabii fareeza hai...Qur'aan e Paak meN yeh do aHkaam kabhii alag alag nahiiN aaye...hamesha saath saath...iskaa itlaaq ham par hii hotaa hai...ham sab par...laRnaa jhagaRnaa nahiiN chaahiye...haN, baat apni kah denii chaahiye jisko jitnaa pataa hai...yehii deenii ta'leemaat bhii haiN k agar aapko ek baat pataa hai to use duusroN ko bataao.

vo Hukm yeh hai:

"tum meN se bahtareen log vo haiN jo duusroN ko achchhaaii kii taraf bulaate haiN aur buraaii se rokte haiN"

muqawwee123 · October 31, 2014, 5:50pm

Re: Ik Anokhi Dua!

ji bilkul... ussi achai aur burai ka ihsas dilane nikle the Hussain (RA) apni aur apne Khandan ki qurbani dene ke liye... unki Qurbani ko kis ne yaad rakha, kis ne bhulaya.. kis ne hadsa keh kar apna daaman jhataka.. kis ne Hussain (RA) ko taaj o takht ke peeche paRne wala kaha... ye sab tareekh main raqm hai.

Achai aur burai wo nahin hoti jo hum apne standard se banate hain. Jis per insaan ka zameer mutamain ho wo gunah nahin hota.. baqi na hum kisi ki niyyat jante hain, na iss ka dawa kar sakte hain

Tahurra · October 31, 2014, 5:50pm

Re: Ik Anokhi Dua!

JazakAllah for refering book,

bat niklegi tu janay kahan tak jaigi…isliye bus dua yeh kay Allah shahadat e hussain ya gham e hussain se seekhny ka moka dey aur hamarey dilon mein shahadat ka jazba baidar kary Ameen

muqawwee123 · October 31, 2014, 5:52pm

Re: Ik Anokhi Dua!

Aameen