I will write in urdu here…
1.maa baap itni ehmiyat nahi dete ke bacho ki urdu kaisi hai or kaisi honi chahiyeh
-
Kuch log urdu zubaan pe aboor hasil na hona ek fakhr ki baat samajhte hai kyun ke unhe lagta hai hum “advance” “modern” kehlayenge agr urdu ka istemal kam karenge
-
Aaj kal angrezi bolne ko ho log bari baat samajhte hai or unki nazr mein angrezi urdu se zyada ehmiyat rakhti hai
-
Jab maa baap khud urdu bolenge or bacho ko bhi sikhayenge ke ghar mein urdu hi bolni hai or angrezi ke sath mila ke nahi bolni to hi agli nasl bhi urdu zuban pe aboor hasil karegi
-
Mere bachpan mein jab bhi ghar mein koi “deutsch” (madri zuban) bolta tha to abu or ammi sakhti se mana karte the or kehte the ke yeh zuban ghar se bahir boli jaye to munasib rahe ga.. (meri ammi or abu dono job pe sara din marizon se deutsch mein baat karte hai lekin humare bachpan mein woh log ghar mein ane ke bad sirf urdu bolte the ta ke hume urdu sikha sake) jitni ehmiyat unho ne humari parhai ko di utni hi ehmiyat urdu bolne pe
-
Or 14 ya 15 saal ki umar mein aake na koi roktok thi na kuch or kyun ke tab hume urdu bolni or likhni bohat achi tarha sikha chuke they
-
Main 16 saal ki thi to hostel mein chali gayi wahan se urdu kafi kamzoor hogayi hai or likhna parna bhi ab tak bhool gayi ho… or mere bhai jo ke ghar mein hi rahe 23 saal tak unko urdu nahi bhooli… abhi main semester ki chutiyon mein ghar ayi ho to abu ne kaha woh mujhe urdu likhna or parna dobara sikhayenge or meri tawajjuh is taraf lane ke liye unho ne sher or shayari ki kitabein bhi la ke rakhi hai
" urdu is dying due to …" Yeh sab kehne ka maqsad sirf itna hai ke maa baap ko is pehlu pe ghor karna chahiyeh pakistan ho ya pardes angrezi (ya us mulk ki jo bhi zuban ho) wo to insan sikh hi jata hai lekin urdu to college/ university se nahi sikhta insan… woh maa baap hi sai bolenge to bache bhi sai bolenge.. maa baap ehmiyat denge to bache bhi zuban ko ehmiyat denge