Ibteda-e-ishq hai lutf-e-shabab aane ko hai
sabr ruqsat ho raha hai izterab aane ko hai
qabr per kis shaan se wo be-naqab aane ko hai
aftab subh mahshar ham-rakaab aane ko hai
mujh tak phir uss mehfil mein jaam-o-sharab aane ko hai
umr rafta rafta palat aati hai shabab aane ko hai
haay kaesi kash-makash hai yaas bhi hai aas bhi
dum nikal jaane ko khat ka jawab aane ko hai
khat ke purze namabar ki laash ke hamraah hai
kis dhitaaee se mere khat ka jawab aane ko hai
na-umeedi maut se kehti hai apna kaam ker
aas kehti hai mere khat ka jawab aane ko hai
khaana-e-tasweer mein aane ko hai tasweer-e-yaar
aeene mein qad-e-aadam aaftab aane ko hai
phir khali hone waale hain mere qatil ke haath
phir zabaan-e-teg per rang-e-bahar aane ko hai
ab ke soye, kya uthainge fitna-e-mahshar se ham
subh-e-mahshar ke qareeb aankhon mein khwaab aane ko hai
By: Faani Badayuni