Ibn e Insha - An incomplete poem

Arts & Culture Poetry ( Intikhaab & Sho'ra-e-Gupshup)

muqawwee123 August 30, 2012, 9:33am 1

Ho na duniya mein koee hum sa bhi pyaasa logon
Ji mein aati hai ke pee jaaein ye darya logon

Kitni iss shehar ke sakhion ki suni thi.n baaten
Hum jo aaey to kissi ne bhi na poocha logon

Sab ke sab mast rahey apne nihaa.n khanon mein
Koee kuch baat musaafir ki bhi sunta logon

Aik tasweer thi kya jaaniay kis ki tasweer
Naqsh mo-hoom hai aur rang u.dha saa logon

Aik aawaz thi kya jaaniay kis ki aawaz
Uus ne aawaz ka rishta bhi na rakha logon

Ha’ey ye dard ke mushkil se thama tha dil mein
Chaand poonam ka abhi se nikal aaya logon ???

Ab koee aaey to kehna ke musafir to gaya
Ye bhi kehna ke bhala ab bhi na jaata logon ???

jiia August 30, 2012, 9:36am 2

Re: Ibn e Insha - An incomplete poem

THANKS MUQA
me sach me boat khoshi mehsus ker rahi hun:)

arain_munda August 30, 2012, 10:38am 3

Re: Ibn e Insha - An incomplete poem

q ye kia ap ki poem hy

jiia August 30, 2012, 11:01am 4

Re: Ibn e Insha - An incomplete poem

ABN-E INSHAA ki hy:smack:

system August 30, 2012, 1:32pm 5

Re: Ibn e Insha - An incomplete poem

bohot umdah

ajazali August 30, 2012, 1:42pm 6

Re: Ibn e Insha - An incomplete poem

Bohat ala
something missing like…
Chand lafzoon ka muamma ta woh uljah sulja
oos nai to naam bhi poora na bataya logo

KKF August 30, 2012, 1:43pm 7

Re: Ibn e Insha - An incomplete poem

nice poem, indeed!

do nikaat kii taraf aapkii tavajjoh mabzool karaanaa chaahuuNgaa agar baar e Khaatir na guzre to: awwalan to yeh k yeh mujhe ek musalsal Ghazal lagtii hai kiuN k nazm kaa koii title aapne nahiiN diyaa…agar nazam hotii to iskaa koii title hotaa…chuN k Ghazal kaa koii title nahiiN hotaa is liye is kalaam ke ek "musalsal Ghazal’ honaa kaa qiyaas maGhloob hai…aap nazar e saanii farma alijiiyegaa:

doyam yeh k aap ne ba_taur radeef “logoN” likhaa hai jisse qaare’iin ko “LOG kaa seGha-e-jam’a LOGON” kaa gumaaN guzartaa hai [yeh ho saktaa hai roman Urdu kaa qusoor ho!] dar asl yeh lafz-e-taKhaatub hai ya’nii 'LOGO" [o people!]

ehsan August 30, 2012, 1:48pm 8

Re: Ibn e Insha - An incomplete poem

Very nice.

tarash August 30, 2012, 2:12pm 9

Re: Ibn e Insha - An incomplete poem

nice

ajazali August 30, 2012, 2:27pm 10

Re: Ibn e Insha - An incomplete poem

tamaam ashaar k context main rabt hai, es leay esay poem keh saktay hain, normally ghazal main aik shair ka meaning doosray shair se mutabiqat nahi rakhta, but its not a rule.

KKF August 30, 2012, 2:31pm 11

Re: Ibn e Insha - An incomplete poem

nahiiN janaab…agar ek Ghazal ke tamaam ash’aar men hanm-aahangii-e-Khayaal paayaa jaaye to aisii Ghazaliyaat ko **musalsal Ghazal **[continuous Ghazal] kahte haiN…jis meN Khayaal kii ham-aahangii hotii hai!

ajazali August 30, 2012, 2:33pm 12

Re: Ibn e Insha - An incomplete poem

I already told you its not a rule, but I read it somewhere.

KKF August 30, 2012, 2:35pm 13

Re: Ibn e Insha - An incomplete poem

to phir is nazam kaa koii 'unwaan bhii hogaa…vo kahaaN hai? nazam kii apnii ek Khaas haiyat [structure hotaa hai] jiskaa foqdaan mujhe is kalaam men nazar aayaa. nazmoN ke kuchh aham ajzaa hote haiN jo is kalaam men nadaaarad hai! mere Khayaal se to musalsal Ghazal hii hai…baaqii aap bahtar samajhte hoNge!

muqawwee123 August 30, 2012, 2:50pm 14

Re: Ibn e Insha - An incomplete poem

tasleemat uncle. Kaise hain aap? kahan ghayab rahe?

ajazali August 30, 2012, 3:05pm 15

Re: Ibn e Insha - An incomplete poem

kia ajzaa hain ji, hamaara ilm main bhi izaafa farmaen?

enter10 August 30, 2012, 3:37pm 16

Re: Ibn e Insha - An incomplete poem

Bohat Khoob…:k:

UZ August 30, 2012, 3:48pm 17

Re: Ibn e Insha - An incomplete poem

Nice

KKF August 30, 2012, 3:53pm 18

Re: Ibn e Insha - An incomplete poem

kia kijiyegaa? ilam shilam se bachche Kharaab ho jaate haiN … lol

Ghaayab ul vujood to nahiiN huuN haN Ghaayab ul dimaaGh yaa Ghayaab ul hawaas to zaroor huN

ajazali August 30, 2012, 4:27pm 19

Re: Ibn e Insha - An incomplete poem

wesay mere haqeer ilm k mutabiq, nazam k ajzaa wo nai hotay jo aap btayen aur main kharaab ho jaon

KKF August 30, 2012, 4:44pm 20

Re: Ibn e Insha - An incomplete poem

vo nahiiN sunaa kia k:
**
paRhoge, likhoge to hoge Kharaab
kheloge koodoge to banoge nawaab!**