**yeh Ghazal maiN ne pahle sunii hai aur be_Had pasand bhii aayii hai magar mujhe 'ilm nahiiN k kis shaa’ir kii taKhleeq hai. agar aapke 'ilm meN ho HH saaHib to zaroor bataaiyegaa…shukriya.
Nayyara Noor kii aawaaz aur Ghazal-navaaii zabardast hotii haiN magar mujhe is Ghazal meN alfaaz kii adaayegii aur uske talaffuz ke Hawaale se 3 jaghoN par laGhzaish hotii huii maHsoos huii hai. vo alfaaz yeh haiN:
-jazba-e-dil ke ba_jaaye jazbAA-e-dil kahaa hai…lafz-e-jazba meN Harf-e-“be” ke ba’d “chhoTii he” hai na k “alif”…is se she’r Khaarij-az-bahr ho jaataa hai.
-lafz-e-“chauNk” [che, vaao (zabar), noon Ghunna, kaaf] ke ba_jaaye “choNk” [che, vaao (pesh), noon Ghunna, kaaf] musta’mil kiyaa hai jo k saHeH nahiiN.
-lafz-e-“reh-bar” [re, chhooTii he (ZER), be, re (ZER), be, re] ke ba_jaaye “raahbar” [re, alif, chhoTii he, be, re (zabar] kahaa hai. ek baar phir, is taraH kahne se she’r out-of-meter ho jaataa hai.
ek band aaKHir meN aapne nahiiN likhaa jo maiN add kar rahaa huN:
ab kiuN DhoonDuuN vo chashm-e-karam, hone de sitam baalaa-e-sitam!
maiN chaahtaa huN ai jazba-e-Gham, mushkil pas-e-mushkil aa jaaye
ai jazba-e-dil…
shukria share karne ke liye :)**