Husn paaband-e-razaa ho, mujhe manzoor nahi
main kahoon tum mujhe chaaho, mujhe manzoor nahi
jisne iss daur ke insaan kiye hain paidaa
vahii meraa bhii khudaa ho, mujhe manzoor nahi
shart-e-izhaare-e-nadaamat hai, jo bakhshish ke liye
ai jawaani ke gunaaho ! mujhe manzoor nahi
hashr ke din mujhe sach kahne ki taufiq na de
koi hagaama bapaa ho, mujhe mazoor nahiiN
husn vaale mere qaatil haiN, yah daavaa hai meraa
husn vaaloN ko sazaa ho, mujhe maNzoor nahiiN
dostoN ko bhii mile dard kii daulat yaa-RUB!
meraa apnaa hi bhalaa ho, mujhe maNzoor nahiiN
mujhko ai kaatib-e-taqdiir tamaasha na banaa
ishq chehare pe likhaa ho, mujhe maNzoor nahiiN
ai buto ! tum pe andhaa-dhuNd mare Khalk-e-Khuda
aour KHUDA dekh rahaa ho, mujhe maNzoor nahiiN
mai_kadaa vaaloN ki Khafgii ! are taubaa-taubaa
koii khush ho ke Khafaa ho, mujhe maNzoor nahiiN