Husn kou wusa’teiN jou deiN, ishq kou hausla diyaa
jou naa miley naa mit sakey mujh kou woh mudd’aa diyaa
haath meiN ley key jaam-e-maey, aaj woh muskuraa diyaa
aql kou sard kar diyaa rooh kou jagmagaa diyaa
dil pey liyaa hai daagh-e-ishq, kho key bahaar-e-zindagi
ik gul-e-tar key waastey meiN ney chaman lutaa diyaa
kuch tou kaho yeh kiyaa huaa, tum bhi thay saath kiyaa
gham meiN yeh kyuN suroor thaa dard ney kyuN maza diyaa
ab naa yeh meri zaat hai, ab naa yeh meri kayenaat hai
meiN ney nawa-e-ishq kou saaz sey yooN milaa diyaa
aks jamaal-e-yaar kaa aaina-e-khudi meiN dekh
yeh gham-e-ishq kiyaa diyaa, mujh sey mujhey chupaa diyaa
hashr meiN aftaab-e-hashr aur woh shor-e-al’amaan
asghar-e-but-parast ney zulf kaa waasta diyaa
Asghar gondvi
Re: Husn kou wusateiN jou deiN
kuch tou kaho yeh kiyaa huaa, tum bhi thay saath kiyaa
gham meiN yeh kyuN suroor thaa dard ney kyuN maza diyaa
aziyat pasand log
tarash
January 12, 2014, 3:47pm
3
Re: Husn kou wusateiN jou deiN
aql kou sard kar diyaa rooh kou jagmagaa diyaa
sard aql:barbie:
Re: Husn kou wusateiN jou deiN
aql agar garmam ho to?
tarash
January 12, 2014, 4:58pm
5
Re: Husn kou wusateiN jou deiN
aql agar garmam ho to?
poora mahol garam ho jaey ga
KKF
January 12, 2014, 5:41pm
6
Re: Husn kou wusateiN jou deiN
tek umda Ghazal share karne ke liye shukria. jaisa k shaayad sabhii jaante haiN k AsGhar GonDvii mere maHboob tareen sho'araa meN se ek haiN. yeh Ghazal mujhe bahot pasand hai. iskii audio bhii maiN ne banaayii thii kuchh saal pahle. :)
sabhii ash'aar ek se baRh kar ek haiN! :)
Re: Husn kou wusateiN jou deiN
tek umda Ghazal share karne ke liye shukria. jaisa k shaayad sabhii jaante haiN k AsGhar GonDvii mere maHboob tareen sho'araa meN se ek haiN. yeh Ghazal mujhe bahot pasand hai. iskii audio bhii maiN ne banaayii thii kuchh saal pahle. :)
sabhii ash'aar ek se baRh kar ek haiN! :)
pasand karne kaa shukriya.....
Nain
January 13, 2014, 4:26pm
8
Re: Husn kou wusateiN jou deiN
hybridkamal:
Husn kou wusa’teiN jou deiN, ishq kou hausla diyaa
jou naa miley naa mit sakey mujh kou woh mudd’aa diyaa
ab naa yeh meri zaat hai, ab naa yeh meri kayenaat hai
meiN ney nawa-e-ishq kou saaz sey yooN milaa diyaa
Nawaye -e-Ishq lagey Tah kr ke