Tumhara naam kuch aisey meray hoontooN pe khilta hai
Andhayri raat main jaisey
Achanuk chaand badul kay kissi koonay sey jhaanta hai
Aur achanuk sarey munzurooN main jaisey rooshni si phail jaati hai
Kuli jaisi laruzti oos kay kutray pehn ker muskarati hai
Badulti rut kissi manoos si aahut ki dooli lay ker chulti hai
Tu khusboo baagh ki diwaar sey rookey nahi rukti
Aisi khusboo kay dhaagey sey mera hur chaak silta hai
Tumharey naam ka tara meri saansooN main khilta hai
Tumhey mae daikhta hoon jub safur ki shaam sey pehlay
Kissi uljhii howi gumnaam si chinta kay jadoo main
Kissi soochay howey bay-naam lumhay ki khusboo main
Kissi mausum kay damun main, kissi khwahish kay pehlo main
Tu is khush-rung munzur main tumhari yaad ka rustaa
Najaney kis taraf phoota hai
Aur phir aisey meri hur raah kay humraah chulta hai
Kay aankhoon main sitaarooN ki guzer-gahain si bunti hain
Dhanuk ki kehkashayain si
Tumharey naam kay in khushnuma hurfooz main dhulti hain
Kay jin kay lamus sey hoontooN pe jhugnoo rakz kertay hain
Tumharey khwab ka rishta meri neendooN sey milta hai
Tu dil abaad hota hai
Mera hur chaak silta hai
Tumharey naam ka tara meri ratooN main khilta hai
*Amjad Islam Amjad
