Teri khushboo nahin milti,tera lehja nahin milta
humein toa shehr mein koi tere jaisa nahin milta
her ik tadbeer apni raigaan t’theri mohabbat mein
kisi bhi khwab ko tabeer ka rasta nahin milta
zamanay ko qarenay se woh apnay saath rakhta hai
magar mere liye usko koi lamha nahin milta
jahan zulmat ragon mein apnay panjay gaarh deti hai
usi tareek rastay per diya jalta nahin milta
ye kaisi dhundh mein humtum safar aghaaz ker baithay
tumhein ankhein nahin miltein,humein chehra nahin milta!
by:noshi gillani
