Aik Nazm,
Bazahir Aam Lehjay Main
Kaha Tha Main Nay jab Us Sey
Badal lo Raasta Apna
Juda Raahain Yaheen Kar lo
Humaray Chahnay Na Chahnay Say Kuch Nahi hota
Yahii Sach hai K hum do mukhtalif
Rastoun Key Raahii hain
To Phir kyoun Dil Kii Maanien hum
Shuro Mein Manta hon Main
Azziyet Dil ko Pohnchay Gii
Magar Phir Waqt Guzray Ga
Sabhi Zakhmoun Ko Bhar Dey Ga
Meray Is Aam Sey Lehjey Pey wo
Eik Pal ko Chonka Tha
Meri Aankhoun Mein Aankhian Daal Kar
Hairat Sey Poocha Tha
Yeh Sab Jo Keh Rhey ho Khud Ko Yeh Samjha Bhi Pao Gaay??
Bohet Hii Jii Bara Kar Key
Main Us Dam muskuraya Tha
Bohat Khud Pey jabar Kar Kay
Main Us Say Keh Yeh Paya Tha
Sambhal jaon Ga Main Khud Hii
Sabhii Zakhmoun Ko Sii loun Ga
Bhulla Kar Sari Baatoun ko
Akaila Bhii Main Jee loon Ga
Bohet Hii Bey-Yaqeen Aankhoun Sey
Us Ney mujh Ko Dekha Aur
Bina Eik Lafz boolay wo Gya Aur Phir Nahi Aaya
Aur Ab Tak Tark e Taaluq Ko
Agar-Chay Umar Beetii haii
Magar Is Dil Pey Us Kii Zaat Ka
Jo Naqsh Qaaiyem Tha
Kabhi dhundla Nahii hota
Mujhe Mehsoos hota hai
K jaisey Meray Kanooun Mein
Wo Apni boltii Aankhoun Sey
Sargoshii Sii Karta hAi
"Wo Sab jo Keh Rahey They Khud ko wo Samjha Bhii Paye ho???”