Kahan Yeh Bas Main Ke Khud Ko Honsla Dete,
Yehi Bohut Tha Ke Har Gham Pe Muskura Dete … !
Hamare Aaksh Main Hoti Jo Zakhm-E-Dil Ki Jhalak,
Hum Aaine Ko Bhi Apni Tarah Rula Dete …
Humain Bhi Jo Roshniyon Pe Dastaras Hoti,
Kabhi Charagh Jalate, Kabhi Bujha Dete …
Hamare Paon Hawaon Ki Zad Main The Warna,
Guzrati Umar Ko Ruk Ruk Ke Hum Sada Dete …
Ab Uss Ki Yaad Se Uss Ka Badan Trashate Hain,
Woh Khawab Bhi To Nahin Tha Ke Hum Bhula Dete …
