Hum wo k pighal kar bhi, Aanso na nikalnay dain

nakhan · September 4, 2005, 4:44pm

Manzil ki taraf koi rasta to nikalnay dain
Wo log jo bethay hain ooron ko to chalnay dain

Ya husn-e-rifaqat ho, ya tarak-e-rifaqat ho
Ya aap badal ja.aen, ya mujh ko badalnay dain

Ya ghar ki khabar day dain, ya Azn-e-Safar day dain
Ya aap bhi ruk ja.ain Ya mujh ko bhi chalnay dain

Gham wo k laho kar day, andar say hamara dil
Hum wo k pighal kar bhi, Aanso na nikalnay dain

Gar waqat k marhum ka Darman na milay koi
Kuch haadsay insaan ko barsoon na sambhalnay dain

~Saood Usmani~

SunnyBoy · September 5, 2005, 1:24am