mere dastan-e-hasrat vo suna suna kay roay
mujhy aazmanay valay mujhy aazma kay roay
koi aaisa ahal-e-dil ho kay fasana-e-muhabbat
main ussay suna suna kay roaoon,vo mujhy suna kay roay
miree aarzoo kee dunya , dil-e-natavan kee hasrat
jissay kho kay shadman thay ussay aaj pa kay roay
tiree bay-vafayoon par, tere kaj adayoon par
kabhee sur jhuka kay roay,kabhee munh chupa kay roay
jo sunayee anjuman main shab-e-gum kee aap bete
kaee ro kay muskura’ay , kaee muskura kay roay