Shaam-e-Furqat Dhaley Hum Nahin Chahtey
Gham Se Fursat Mile Hum Nahin Chahtey
Phir Naya Waar Sehney Ko Tayyar Hain
Tum Pareshan Rahe hum Nahin Chahtey
Aaj Ansoo Bahane Se Mat Rokiye
Aaj Barsih Thamey Hum Nahin Chahtey
Hum Tere Baad Ujrey Hue Theek Hain
Ab Kahin Dil Lagey Hum Nahin Chahtey
Tere Paiker Ko Hum Daikhte Hi Rahain
Tum Nazar Se Hate Hume Nahin Chahtey
Kis Qadar Dil Nasheen Hai Ye Mojon Ka Shoar
Gham Ka Dariya Rukey Hum Nahin Chahtey
Is Qadar Piyar Se Tu Pukara Na Ker
Aag Dil Ko Lagey Hum Nahin Chahtey
