~Hum kaisey pagal hote thay~
Ik phool ko choone ki khatir
kaanton se zakhmi hote thay
ju phool jhooli mein aagirta
osey chooney se dur jate thay
~Hum kaisey pagal hote thay~
keh dhundhley aayinon mein apna
hum aaks sa dhoonda kerte thay
aur kurhciyaan chuthney aayinon ki
muthi mein dabaya kerte thay
~Hum kaisey pagal hote thay~
jub saruk pe chulna hota tha
hum kushti leyker chulte thay
aur beech bhunwar jaane k liey
hum paidul nikla kerte thay
~Hum kaisey pagal hote thay~
jub barish bursa kerti thi
hum chuthri mein chup jate thay
aur julti dhoop mein nungey sir
hum chut per uchula kerte thay
~Hum kaisey pagal hote thay~
jub paas buhat wuh hota tha
hum os ko dekh na sakte thay
jub dur chula jata tha wuh
hum aahut o ki sunte thay
~Hum kaisey pagal hote thay~
Jub sari duniya sooti thi
hum chaandh se khaila kerte thay
jub sari duniya jaag uthti
hum phir thuk ker soo jate thay
Hum kitney pagal hote thay
Hum kaisey pagal hote thay
Hum aaj bhi waisey pagal hein