hum kahiN taalney se talTe haiN

Arts & Culture Poetry ( Intikhaab & Sho'ra-e-Gupshup)
1

Uske pehluu se lag ke chalTe haiN
hum kahiN taalney se talTe haiN

maiN usii tarah to bahalTa huuN
aur sab jis tarah bahalTe haiN

vo hai jaan ab har ek mehfil kii
hum bhi ab ghar se kab nikalTe haiN

kya takkaluff kareN ye kehne meN
jo bhi khush hai hum us se jalTe haiN

hai usey duur ka safar dar-pesh
hum sambhaaley nahiN sambhalTe haiN

hai azab faiisle ka sehraa bhi
chal na paRhiye to paoN jalTe haiN

ho raha huuN maiN kis tarah barbaad
dekhne waale haath malTe haiN

tum bano rang , tum bano khushbuu
hum to apne sukhan meN dhalTe haiN

2

Re: hum kahiN taalney se talTe haiN

kya takkaluff kareN ye kehne meN
jo bhi khush hai hum us se jalTe haiN

Khoobsuart baat :k: Kehte hain insaan apne gham se itna dukhi nahin hota, jitna auron ki khushi se.:hmmm:

3

Re: hum kahiN taalney se talTe haiN

Baat to sach hai magar baat hai ruswai ki :naak:

4

Re: hum kahiN taalney se talTe haiN

Insaan fitratun hasid kiyun hota hai?

5

Re: hum kahiN taalney se talTe haiN

Mat be us ki expectations poori naa hoti hon :hmmm:

6

Re: hum kahiN taalney se talTe haiN

Khuwahishat ka pura na hona waqai bada rog hota hai... aur inn khwahishon ki to koi had bhi nahi.. Baqol Ghalib

Hazaron khwahishen aisi ke her khwahish pe dum nikle
Boht nikle mere armaan phir bhi kam nikle

7

Re: hum kahiN taalney se talTe haiN

V.nice